好文分享: 冧巴經濟學
冧巴經濟學４ (From 陸羽仁)
2007/2/15 上午 09:38:02
網友MC講到情人節好易失身，希望各位少男少女網友昨天幸保不失，不過講到股民個筆，恐怕大家早已失身，若果有番三、五年股齡，很多人都有跟過人番屋企的經驗，衰咗唔敢講。
股市輪流炒，一線炒到瘋狂，中移動（０９４１）、國壽（２６２８）就是第一線，跟往炒二線，一眾大陸銀行股就是二線，再到三線、四線，經緯紡織、東北 電就是這一類，論公司質素乏善足陳，只是純炒落後；當然還有好多外圍的八、九線公司，只是改個名做礦、做賭業、做地產，股民聽個冧巴，源源入市，近日八、 九線股飛升，就是這種胡亂開車的現象。
好似在街上有個跌錢黨，相貎堂堂，著往西裝，成個陸羽仁漫畫肖像咁靚仔，在你面前，跌１０００元行咗去，你去執錢時被人打了荷包，執到１０００元好開 心，後來發覺只是一張假銀紙，最後發覺荷包都唔見埋；你信呢個靚仔跌錢黨一次唔係好奇，但過兩日這個靚仔又走到你面前，又跌１０００元，你又去執，就唔係 靚仔的問題，這是你的問題。亦是我講被人打一鑊之後，唔好俾人打第二鑊的道理，股民見股價升番，又想上車執錢，有無咁易呀，你估人地東華三院救弱扶貧做善 事咩！
有個抽水大王過去搞上市公司間間瓜直，害死唔少股民，如今從出江湖，又來跌錢，去上車的股民真係好得意。因為換另了一個靚仔來跌錢，你信佢都唔奇，但 同一個人跌錢都有人信，奇哉怪也。我地成日話唔知點解阿婆信寶藥黨、祈福黨，但阿婆就應該反問，我起碼唔會被同一個寶藥黨呃兩次呀，點解你買股票又會被同 一個人呃兩次呀？
這一切和只聽冧巴、只睇股價有關，股民只信冧巴，攞到冧巴，發覺股價真係升，就信到十足，買了股票連公司老闆係邊個唔知，公司做什麼唔知，它的新概念有 無辦法落實唔知，落實可以賺幾多錢唔知，十幾個唔知，最後買咗都可以「賺到錢」喎，最無知的第一個信，「賺錢」最多，這一批多數是叫做「師奶」的動物，亦 都是你們引述「阿媽賺幾多幾多」的例子，我把賺錢加個引號，是因為「有賭未為贏」，你一日未離枱，再賭下去，那些「賺」回來的錢也不是你的，它只是隨市場 滾動，最後可能下落不明。
師奶都「賺」好多的消息愈傳愈廣，第二批第三批才到理性的人落水，他們怪自己太理性，所以呢期賺得少，而且見一次回落又升，兩次回落又升，次次回落之後都升，以後見回落也都不會止蝕，結果多數人同師奶的命運一樣，一舖清袋。
股市顛，大股又顛，莊家股又顛，不過散戶上車都要分一分是上了那架車，上了莊家股的車，唔識落車，下場會好慘。上了大股的爛車，最慘的例子莫過於電盈 （０００８），可以由２８元變成９角（股份經過五合一），但上了莊家股的車，可以由２８元變成０（最後停牌收檔），或者２８元變成１仙都唔夠，幾萬元投資 得番幾十元，因為最後莊家股在旺市炒高時不斷濫發新股，瘋狂炒高，做兩個錢生意，用一個概念，搞到市值幾十億，莊家賣到１０％股份都賺大錢，到個市跌下 來，莊家就要插低收貨，洗番乾淨個殼，等下一轉又去騙傻仔。
例如隻股在旺市時一拆五，五拆二十，總之拆到你眼花，股價只是５角，但有１００億股，即是市值有成５０億，（所以陸羽仁經常睇市值，不睇股價，唔好以 為幾毫子一股好細，可能市值已經幾十億，已經到站，莊家派哂貨俾你）股市跌落黎，大股東加莊家早已沽完食咗糊抹埋咀，仲揸往５０％，另有５０％是街貨，他 們就把股價不斷插低，插到你賣股棄權，部份人唔棄權，他們就會把股份合併再加大比例大折讓供股，供完一次又一次，你當然唔供，因供完繼續跌，經過這個又併 股又供股的過程，最後可能得番５億股，每股５角，市值得番２．５億，大股東加莊家暗手揸到８０％、９０％，這樣就洗乾淨牌，又等下舖再開局。
你在旺市上車，搭到總站，跟人返屋企，受盡創傷行落樓，發覺自己無幾多剩，你１００股變番１股，好似發一場夢，因為由幾萬元開始炒，一度變成幾十萬帳 面財富，最後又由幾十萬變番幾千，真有點啱啱從大陸游水來香港週身無錢的感覺，你話係唔係想自殺！股市之毒，莫過於此，也是從一個冧巴開始。
2007/2/15 上午 09:38:02
網友MC講到情人節好易失身，希望各位少男少女網友昨天幸保不失，不過講到股民個筆，恐怕大家早已失身，若果有番三、五年股齡，很多人都有跟過人番屋企的經驗，衰咗唔敢講。
股市輪流炒，一線炒到瘋狂，中移動（０９４１）、國壽（２６２８）就是第一線，跟往炒二線，一眾大陸銀行股就是二線，再到三線、四線，經緯紡織、東北 電就是這一類，論公司質素乏善足陳，只是純炒落後；當然還有好多外圍的八、九線公司，只是改個名做礦、做賭業、做地產，股民聽個冧巴，源源入市，近日八、 九線股飛升，就是這種胡亂開車的現象。
好似在街上有個跌錢黨，相貎堂堂，著往西裝，成個陸羽仁漫畫肖像咁靚仔，在你面前，跌１０００元行咗去，你去執錢時被人打了荷包，執到１０００元好開 心，後來發覺只是一張假銀紙，最後發覺荷包都唔見埋；你信呢個靚仔跌錢黨一次唔係好奇，但過兩日這個靚仔又走到你面前，又跌１０００元，你又去執，就唔係 靚仔的問題，這是你的問題。亦是我講被人打一鑊之後，唔好俾人打第二鑊的道理，股民見股價升番，又想上車執錢，有無咁易呀，你估人地東華三院救弱扶貧做善 事咩！
有個抽水大王過去搞上市公司間間瓜直，害死唔少股民，如今從出江湖，又來跌錢，去上車的股民真係好得意。因為換另了一個靚仔來跌錢，你信佢都唔奇，但 同一個人跌錢都有人信，奇哉怪也。我地成日話唔知點解阿婆信寶藥黨、祈福黨，但阿婆就應該反問，我起碼唔會被同一個寶藥黨呃兩次呀，點解你買股票又會被同 一個人呃兩次呀？
這一切和只聽冧巴、只睇股價有關，股民只信冧巴，攞到冧巴，發覺股價真係升，就信到十足，買了股票連公司老闆係邊個唔知，公司做什麼唔知，它的新概念有 無辦法落實唔知，落實可以賺幾多錢唔知，十幾個唔知，最後買咗都可以「賺到錢」喎，最無知的第一個信，「賺錢」最多，這一批多數是叫做「師奶」的動物，亦 都是你們引述「阿媽賺幾多幾多」的例子，我把賺錢加個引號，是因為「有賭未為贏」，你一日未離枱，再賭下去，那些「賺」回來的錢也不是你的，它只是隨市場 滾動，最後可能下落不明。
師奶都「賺」好多的消息愈傳愈廣，第二批第三批才到理性的人落水，他們怪自己太理性，所以呢期賺得少，而且見一次回落又升，兩次回落又升，次次回落之後都升，以後見回落也都不會止蝕，結果多數人同師奶的命運一樣，一舖清袋。
股市顛，大股又顛，莊家股又顛，不過散戶上車都要分一分是上了那架車，上了莊家股的車，唔識落車，下場會好慘。上了大股的爛車，最慘的例子莫過於電盈 （０００８），可以由２８元變成９角（股份經過五合一），但上了莊家股的車，可以由２８元變成０（最後停牌收檔），或者２８元變成１仙都唔夠，幾萬元投資 得番幾十元，因為最後莊家股在旺市炒高時不斷濫發新股，瘋狂炒高，做兩個錢生意，用一個概念，搞到市值幾十億，莊家賣到１０％股份都賺大錢，到個市跌下 來，莊家就要插低收貨，洗番乾淨個殼，等下一轉又去騙傻仔。
例如隻股在旺市時一拆五，五拆二十，總之拆到你眼花，股價只是５角，但有１００億股，即是市值有成５０億，（所以陸羽仁經常睇市值，不睇股價，唔好以 為幾毫子一股好細，可能市值已經幾十億，已經到站，莊家派哂貨俾你）股市跌落黎，大股東加莊家早已沽完食咗糊抹埋咀，仲揸往５０％，另有５０％是街貨，他 們就把股價不斷插低，插到你賣股棄權，部份人唔棄權，他們就會把股份合併再加大比例大折讓供股，供完一次又一次，你當然唔供，因供完繼續跌，經過這個又併 股又供股的過程，最後可能得番５億股，每股５角，市值得番２．５億，大股東加莊家暗手揸到８０％、９０％，這樣就洗乾淨牌，又等下舖再開局。
你在旺市上車，搭到總站，跟人返屋企，受盡創傷行落樓，發覺自己無幾多剩，你１００股變番１股，好似發一場夢，因為由幾萬元開始炒，一度變成幾十萬帳 面財富，最後又由幾十萬變番幾千，真有點啱啱從大陸游水來香港週身無錢的感覺，你話係唔係想自殺！股市之毒，莫過於此，也是從一個冧巴開始。
posted by Kenny H. - A newbie to Blog at 5:47 pm
0 comments
